鄉下佬首次出城順利歸來，係時候賽後包膠，重新整理今次衝出香港、跑向日本之路。
-
半年前人去我又去既心態下，入紙抽簽今年大阪馬拉松，點知又抽得中，一連串煩惱同準備功夫要開始，點解係煩惱？因為基本上最遠都係返過大陸探親戚，就算兩年前godone澳門馬拉松團、同埋中學雞年代去西安，食宿機票都係有人關照，旅行更嫌麻煩唔會去(因為酒店機票都唔識book sosad)，今次仲要所有住宿、機票、行程全部自己1個搞店(除左跑果兩日有人join)，有d壓力，曾經試過嫌麻煩諗過甩底唔去算，冇錯！我就係鄉下到呢個程度，不過好彩最後冇，如果唔係就冇呢篇飛機文睇，上網一search原來好多人去過大阪，做足資料搜集至起行，總算順利完成成個旅程。-
-
冇乜為今次大阪馬拉松針對訓練，只係備戰一個月前超馬50km勉強做過幾次長課，仲要冇質素可言，超馬完直頭冇乜點練過長課，原本都冇諗住pb，要求under 4個鐘就算，點知比賽當日發揮比想像仲差，16km已經跌速，仲要跌得好快，跑完23km已經跌到接近6min/km，之後都盡量嘗試唔好俾佢再跌，可惜事與願違跑多2-3km跌到6分尾/km，好切底咁撞牆，直頭27km知道追唔到目標時間真係投降，改為enjoy比賽fun run算，去到32km美食街直頭放開心情食下野先再上路，一路行一路食，去到33km至再跑返，點知一停就大獲，更難再跑返起個人，舉腳都出問題，去到35km決定又行過，行返幾k睇會唔會好d，行到去38km望望隻錶好似都仲有機會under 4:30，於是開始跑返，好彩行左幾k好d可以慢慢跑返去，最後總算4:28完成，比pb接近慢接近成粒鐘。論表現，今仗係一個好大警號，第一次認真跑(至少頭25km係) 、兼練過下既情況下sub唔到4，睇黎抖返一、兩個禮拜重新操過，黎緊皇者全馬同渣馬再黎過。
-
有人話跑完海外馬拉松，就會唔想再參加香港馬拉松，因為香港搞得差，今次我跑完對呢個講法有d保留，如果對一個唔太執著個人成績既人黎講或者係，我就認為一個地方既馬拉松搞成點，都好反映果個城市係咩image，香港就係效率之上、短視利益為首同埋批評多都巿，不過錢作怪，如果香港馬拉松改為under 3:30什至4:00都有$1000獎金，應該少好多人嘈。而日本，對任何事都會好認真看待，有路人打氣、安排周到唔駛講，連expo都搞得有聲有色，就算香港最大型運動博覽都可以行埋一邊，只係香港值唔值得有一個咁有聲有色馬拉松？
--
錢少，曾經講過唔會玩海外馬拉松，不過都跑左幾年，就算唔追世界六大馬拉松，至少都要試過海外比賽，今年叫係多少少閒錢可以當去一次旅行試試，加上咁大個人連去個旅行都怕真係好7，而家最少話俾人聽我呢個鄉下佬都去過日本，雖然未至於可一不可再，但係旅行對我黎講算係奢侈，加上出年想搵d野進修，到時都未必有機會去旅行跑馬拉松，btw今次大阪之旅係開心既，多謝哂咁耐時間睇我咁大篇飛機文。