2014.1.5美津農半馬拉松錦標賽 - 賽後報告

2014第一個比賽，第一次美記半馬，目標當然拎銅章，賽季前以為穩陣，點知今年狀態好似跌左，早前先後o係綠色半馬同力行社半馬都只係1’44，再加上美記半馬獎章係以official time而唔係chip time，所以賽前宣布告急 (差在未叫人全家總動員投我一票) ，今日起步亦都要轉登早半個鐘上線，結果都好順利10秒內起到步。

由於路段多上落斜，難以評估適當步速，所以第1-3k多落斜路段快放，務求做靚個配速，其他上斜位盡量唔好慢到6min/k，平路保持節奏就可以，跑到16k所有上斜都跑完，望一望錶只係1’18，按配速銅章已經袋穩，本來打算去到水霸last 4k加速，睇下可唔可以再將時間推快多1分鐘，可惜水霸好大壓迫、永遠都跑唔完咁，最後都係keep住去算，去到19-20k仲hea左落黎，到last 1k手錶時間1’39’01，於是再加快少少，唔想搞到1’44先跑完，最後以1’43’48(手計)衝線。

告急成功，雖然仲同個人最佳成績仲差d，但總算有驚無險拎左個銅章，都收貨了，今季所有半馬比賽都跑晒，多謝GoDone友影相。