2013.12.1 澳門馬拉松賽後報告：

時間：3 hr 47 min 34
勉強 pb左！

以前成日話玩厭香港d比賽至參加境外比賽，記得8月尾身邊GoDone朋友打算組團參加澳門馬拉松，結果羊群心理底下我又報名，跑季開操亦都o係冇心理準備之下即時開始，就係咁，9月1日就開操。

訓練既大前半段都係天氣炎熱底下進行，加上肥左狀態差左，初初連interval 1k走4’2X或是長課20km都好吃力咁，諗返當初仲target 330跑完全馬簡直係笑話 (事實今次比賽又撞牆都係, 容後再講) ，直到訓練階段中後期至好d，interval, temp run都做到全馬3’30具備條件，只可惜重要n倍既長課表現唔理想，30km或以上既長課只係做過兩次，仲要龜速完成，似乎澳馬量力而為就算

而今次比賽，同上次一樣，打算以5min/k去跑，今次希望嘗試全程keep住頭10k都順利5min/k咁去，不過到約13-16km準備上西灣橋位置，已經追到前面半馬末段參賽者，加上條路好窄，結果左閃右避俾人阻住，打亂左自己節奏，當然我跑完5k都知跑到3’3X都唔錯，其實呢方面冇太大關係，只可以於大會分流做得仲衰過香港渣馬。

最後，我捱得住西灣橋上斜位，但係捱唔住約33-34km撞牆，速度突然急跌，短短幾由5’2X/km 跌到38km位置 6’0x/km，情況同上年渣馬一樣，不過今次遲幾k至發生，到最尾4km體力完全耗盡，隻腳仲郁緊已經係奇蹟，一心諗住快d跑完就算，隻腳就斷。

結果，由我跑完頭10k以為可以3’3X跑完、到跑到33km想under 3’40就算，到最後諗住pb到就算，最後以3’47’34完成，勉強pb左分幾鐘。

個人感覺表現普通，長課表現真係差過上次好多，如果話點解咁都pb到，可能真係澳門跑道冇西隊果類型既長命斜，3’30跑全馬似乎唔係我短期做到既事，要重新部署訓練計劃。最意外既係分組排名第14名 (頭7名有獎，不過都差17分鐘) ，大概比較少年輕人跑全馬。

最後，恭喜我地GoDone長跑隊順利遠征澳門，pb率頗高，跑完全馬隻腳幾痛，抖返幾日重新加入訓練，備戰下一個目標。