2015 街馬九龍東半馬賽後包膠
手計個人時間：1 hr 41 min 06

本來完左渣馬想休下，街馬打算玩下cosplay輕鬆跑就算，但路關係，尋晚跑聚偉爸爸雄心壯志表示想搏pb，搞到我改變主意，加上今季半馬比賽跑得麻麻、又有九龍東主場之利，最後決定雙線做齊，又cosplay又搏盡，但本身渣馬之後冇咩針對訓練，都係跑到幾多就幾多就算。

到比賽，當然狀態係跌左d，頭10km都46分幾，之後已經拉拉地車，速度已經落左5:0X/km，好彩冇慢落去keep住返去，最後都可以1:41完賽，唔計pb，跑咁多次半馬呢轉都算跑得最快，算係咁啦！政界有141候選議員，而我今日做左141跑手。

今次大會幾醒目，搵財爺黎主持起步，至少搵個冇689咁乞人憎既高官主禮，起跑冇人her佢，又同時可以俾下面政府，搞好關係，下年可以封多d路比賽，雖然好可惜今年只能o係偏僻工業區同觀塘繞道，未能入到觀塘市區，惟有搞下嘉年華都叫係咁。

繼上年渣馬，今日又再cosplay超人，沿途唔少義工打氣團叫我超人加油！哈哈！希望多d相搵到啦！