今次因為係一組起步，所以盡量企到最前，最後同大會時間只差10sec起步! 亦都因為咁，跟左前面既人開快左pacing 4:3x! 不過又唔係好辛苦，所以諗住keep左平路4k先!到幹線開始上斜，就盡量keep 返係目標pacing 4:45-4:50! (上橋位盡量都唔俾自己慢過4:55)，感覺唔錯！到昂船洲大橋11K左右食第一包Gel,之後去到汀九去程，見到同事之後見到兩位師兄，同佢地say Hi, 之後就繼續上路! 但係開始感到有D不妙，右腳大脾同盤骨果Ｄ位有Ｄ反應，但都無咩影響，所以就無理．去到汀九回程，見到半程位，22K左右又係食Gel既時候!!差不多完左汀九就見到另外兩位師兄!!! 之後開始去長青隧道,之前講右腳D反應越黎越大，個心一沉(諗緊會唔會開始跌速)! 不過提自己唔好諗，去到入左長青見到水站，飲完水決定停下鬆一鬆個人(15sec左右) 之後再去過，效果好好，Ｄ痛好似無左！所以開始更留意自己跑姿有無問題，小心推進！

去到32K左右開始同半馬回程既人一齊，好似行年宵咁，要一路講唔該借借，有一段真係搵唔返個節奏，唔易跑！！　去到34K左右食埋最後既GEL，之後就入西隧！　我知道依個係最大難關，亦都同自己講有Buffer 慢返少少，所以無迫自己追速度，keep住順走!! (食鹽丸好有用) 出左隧道上到最頂，有水站，飲水再停一停鬆一鬆，跑埋最後果7K (見到時間330應該安全)！真係無咩戰略喇，死頂同埋享受氣氛，搵相機影相！！！最後1K，有幾多俾幾多．．過終點果下真係開心到眼濕濕!! PB:3:23:02 做到目標!!!!!