成隊都係第一次玩, 做就做咗個 24Hr planning. 不過出咗發都係隨心.

第一段其實真係好 Hea, 冇 jog 過, 亦得閒停低影相.

第二段冇再影相, 急步行, 結果追返晒時間.

第三段天慢慢黑, 四個人 Share 三支燈. 落山快腳們驚踩 Break 落會傷腳, 結果得返我一支燈幫手照路. 最後仆倒仲折斷埋支行山杖.
落到水浪窩食野加補給, 終於齊四支燈.

第四段原本可以正常速度, 不過一黎我單杖撐上山, 二黎開始落雨, 去到萬里長城仲好塞人. 過完馬鞍隻錶開始冇電, 當堂冇晒心機.
去到獅子停已經慢咗成個鐘. 有隊員又少少抽筋, 咁倒不如補給點休耐點先再出發. 特別多謝 Support Team 三更半夜拿咁多野上黎.
(當然當我食薯蓉時見到佢地打緊邊爐飲緊啤酒會好羨慕 T.T)

目標已經變成四個人要齊齊整整, 平平安安過終點.
第五、六段平常心行, 反而仲 Meet 到分段時間. 入到 CP6 休咗好耐, 但我真係好凍.

之後上針草, 落鉛礦坳時, 我真係好怕跣親, 落樓梯落得好慢好慢. 大約係慢過快腳半小時 (佢係山下瞓咗半小時). 之後又係 CP7 Hea.
休息夠先上大帽山.

之後換跑鞋行埋九、十 (原本係打算跑既).
在 CP9, 大家處理好腳生水泡既問題後, 繼續完成第十段. 不過第十段唔係想像中咁易, 尤其係冇試過路的話. 而我盤骨位附近終於開始發出哭聲, 基本上係步步痛, 仲要係好很痛個隻.

最後用咗 28小時51分21秒完成我地第一次的毅行.

最後既最後, 要再一次多謝各 Support team 同隊友. 特別要多謝隊友們唔嫌棄我呢隻慢腳行得慢拖慢晒佢地.