繼清遠馬拉松兩個星期後,又迎來一只海外馬''韓國慶州櫻花馬拉松''。
由pennie精心策劃2016韓國櫻花馬拉松自由行,籌備超過三個半月嘅海外馬,終於出發了！

今次同行有太太,強哥,強嫂,pennie同佢至愛老公昌哥,一行六人,8/4號凌晨2時乘大韓航空到釜山金海國際機場,到達落機已是清晨6時多,因一早已租定車自駕游,所以早餐後到機場辦手續取車,向釜山市區出發。
一路上已見釜山市馬路兩傍櫻花盛放,很漂亮,一小時車程到釜山市中心,搵了間SPAＬＡＮＤ汗蒸水療中心浸浴休息,消除疲勞,好正！

休息了兩個幾鐘,繼續向目的地慶州出發,辛苦了強哥又開個多鐘頭車,終於去到目的地慶州普門世界酒店,其實格式是民宿,這間民宿,離馬拉松起點只有一公里,很方便,室內工淨衛生,煮食設備齊全,多謝pennie定到又平又靚嘅酒店。
酒店check in放好行旅後,一隊人即到馬拉松起點及視察賽道,接著到慶州著名風景區,美麗嘅普門湖風景區游玩影相,櫻花盛門普門湖,大家逗留了約兩小時,盡情影相,晚餐時間又到,相約附近韓式餐廳食飯,晚上盡早回酒店休息,準備明天馬拉松比賽。

9/4一早食完早餐,因離起點近,換好戰衣也不用寄行李,一行六人步行出發到馬拉松比賽現場,現場人數不算多,只有12000人參加,包括全馬,半馬,10k竟跑,5k健走,分四個等候區起步,我同強哥跑全馬在前面等候區,強嫂同pennie兩至愛半馬,太太5k最後面,賽道上空有飛船盤旋拍攝,天空上放咗好高好長的風箏,搖控攝影等等。
八點槍聲一響,第25屆慶州櫻花馬拉松準時開步,龍門上也放起了煙花,櫻花同煙花打成一片很壯觀,我同強哥拍住一齊往前跑,天氣清爽,頭10公里用時50:xx分,配速5分多甚舒服,不知不覺也加快步伐,配速保持4'5x'',里數不足的強哥也覺得舒服,到20公里用時1:39xx,氣溫漸漸熱起來,25公里配速稍跌,配速5'0x'',賽道5公里有水站,水同運動飲品,還有香焦麵包,補給充足,同強哥拍住跑了26公里,強哥慢左落來,我也覺得好熱慢咗,30公里用時2:30xx,到呢個時候已烈日當空,配速已跌到6分幾,35公里用時3:00xx,都係慢慢跑賞櫻花好過。
賽道沿途沿途氣氛不算熱鬧,但間中也見到成隊阿朱媽打鑼打鼓助興,邊跑邊影志在享受,到37公里魔鬼賽道剛開始,幸好今次食了兩小包餐鹽,還沒抽筋,但這條大長金都有1公里,都係賞花慢慢行,40公里用時3:33xx,還有兩公里,不要停還有暗斜上,轉入直路,終點在望,強裝笑容舉起雙手過終點,大會時間03:47'56''，開心完成櫻花馬拉松，海外馬成功sub4。

賽後大家回酒店沖洗食飯休息,下午再驅車到慶州油菜花海田中看油菜花影相,玩飽逗留幾個鐘回去餐廳食晚飯,又結束了一天愉快跑游玩活動！

晚上回到酒店,看到新聞得知有香港跑手在此場賽事中猝死,深感生命無常,心情久久不安！