第一次參加渣馬, 第一次跑10k, 第一次半夜3點起身, 太多既第一次俾左渣打了。由1月5號開始練習到今日, 已經有10年冇跑過既我, 能夠係59分鐘跑到返終點, 只能說是一個奇蹟。

依然記起今朝起步後3k 已經想放棄, 不知道為何而跑; 到8k的時候, 竟又捨不得比賽就快要完; 到9k時見到斜路, 心想: 究竟我會唔會跑到抽根... 心情矛盾又興奮~

多謝每一位係呢段時間鼓勵我的師兄, 師姐, 朋友~ 冇你地, 冇今日做到咁好成績既我; 還有那位令我傷心而跑的人, 還有最最重要的天父, 因為我相信, 一切事情的發生, 都有它的美意! 期待以後每一個賽事, 在跑道上再遇上你, 你, 和你們~~~

更期待下一次, 以自己既實力, 將全馬紀念牌掛上頸上, 拍照留念!!!